31 July 2011

ਮਨਪ੍ਰੀਤ ਬਾਦਲ ਨੂੰ ਵੱਡਾ ਝਟਕਾ - ਚਰਨਜੀਤ ਬਰਾੜ ਨੇ ਸਾਥ ਛੱਡਿਆ

ਚੰਡੀਗੜ੍ਹ-ਪੀਪਲਜ਼ ਪਾਰਟੀ ਆਫ਼ ਪੰਜਾਬ ਦੇ ਮੁਖੀ ਮਨਪ੍ਰੀਤ ਸਿੰਘ ਬਾਦਲ ਨੂੰ ਜਬਰਦਸਤ ਝਟਕਾ ਦਿੰਦਿਆਂ ਪਾਰਟੀ ਦੇ ਸੀਨੀਅਰ  ਆਗੂ ਤੇ ਸਕੱਤਰ ਚਰਨਜੀਤ ਸਿੰਘ ਬਰਾੜ ਨੇ ਪਾਰਟੀ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। 

         ਇੱਥੇ ਪ੍ਰੈਸ ਕਾਨਫਰੰਸ ਦੌਰਾਨ ਸ੍ਰੀ ਬਰਾੜ ਨੇ ਪੀ.ਪੀ.ਪੀ. ਦੇ ਪ੍ਰਧਾਨ ‘ਤੇ ਪਾਰਟੀ ਅੰਦਰ ਪਰਿਵਾਰਵਾਦ ਨੂੰ ਪ੍ਰਫੁੱਲਤ ਕਰਨ ਅਤੇ ਚਾਪਲੂਸਾਂ ਦੀ ਜੁੰਡਲੀ ਵਿੱਚ ਘਿਰਨ ਦੇ ਦੋਸ਼ ਲਾਏ।

          ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਤੋਂ ਅਲਹਿਦਾ ਹੋਣ ਤੋਂ ਬਾਅਦ ਮਨਪ੍ਰੀਤ ਸਿੰਘ ਬਾਦਲ ਨੇ ਲੋਕਾਂ ਦੇ ਸਾਹਮਣੇ ਜੋ ਏਜੰਡਾ ਰੱਖਿਆ ਤੇ ਦਰਬਾਰ ਸਾਹਿਬ ਅੰਮ੍ਰਿਤਸਰ ਪਹੁੰਚ ਕੇ ਜੋ ਐਲਾਨ ਕੀਤੇ ਉਨ੍ਹਾਂ ਤੋਂ ਹੁਣ ਪੂਰੀ ਤਰ੍ਹਾਂ ਮੂੰਹ ਫੇਰ ਲਿਆ ਹੈ। ਹਰ ਸੋਮਵਾਰ ਨੂੰ ਹੋਣ ਵਾਲੀ ਕੋਰ ਕਮੇਟੀ ਦੀ ਮੀਟਿੰਗ ਵਿੱਚ ਸਿਰਫ ਤਿੰਨ ਜਣਿਆਂ ਨੂੰ ਛੱਡ ਕੇ ਬਾਕੀ ਸਾਰੇ ਰਿਸ਼ਤੇਦਾਰ ਹੀ ਹਨ। ਸ੍ਰੀ ਬਰਾੜ ਨੇ ਕਿਹਾ ਕਿ ਕੀ ਹੋਰ ਕੋਈ ਵੀ ਕਾਬਲ ਲੀਡਰ ਕੋਰ ਕਮੇਟੀ ਦੇ ਯੋਗ ਨਹੀਂ ਸੀ। ਕੋਰ ਕਮੇਟੀ ਵਿਚ ਰਿਸ਼ਤੇਦਾਰਾਂ ਦੀ ਜੁੰਡਲੀ ਕਾਰਨ ਕੱਦਾਵਾਰ ਨੇਤਾ ਜਿਵੇਂ ਸੰਤ ਅਜੀਤ ਸਿੰਘ,ਚਰਨਜੀਤ ਸਿੰਘ ਚੰਨੀ,ਮਨਜਿੰਦਰ ਸਿੰਘ ਕੰਗ ਤਿੰਨੋਂ ਵਿਧਾਇਕ ਤੇ ਸਾਬਕਾ ਡਿਪਟੀ ਸਪੀਕਰ ਬੀਰਦਵਿੰਦਰ ਸਿੰਘ ਸਾਥ ਛੱਡ ਕੇ ਚਲੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਆਗੂਆਂ ਨੂੰ ਵਾਪਸ ਲਿਆਉਣ ਜਾਂ ਗੱਲਬਾਤ ਕਰਨ ਦਾ ਕੋਈ ਉਪਰਾਲਾ ਨਹੀਂ ਕੀਤਾ ਗਿਆ।
              ਸ੍ਰੀ ਬਰਾੜ ਨੇ ਕਿਹਾ ਕਿ ਮੌਜੂਦਾ ਸਰਕਾਰ ਨੇ ਮੇਰੇ ‘ਤੇ ਝੂਠਾ ਪਰਚਾ ਦਰਜ ਕੀਤਾ। ਫਿਰ ਮੇਰੇ ਪਿਤਾ ਤੇ ਭਰਾ ਸਮੇਤ ਮੇਰੇ ‘ਤੇ ਪਰਚਾ ਦਰਜ ਕਰ ਕੇ ਮੇਰੇ ਪਿਤਾ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਪੰਜਾਬ ਵਿੱਚ ਹੋਰ ਵੀ ਬਹੁਤ ਸਾਰੇ ਵਰਕਰਾਂ ਨਾਲ ਅਜਿਹਾ ਹੋਇਆ ਪਰ ਪਾਰਟੀ ਵੱਲੋਂ ਕੋਈ ਵੀ ਧਰਨਾ ਮੁਜ਼ਾਹਰਾ ਨਹੀਂ ਕੀਤਾ।

           ਜਿਕਰਯੋਗ ਹੈ ਕਿ ਸ੍ਰੀ ਬਰਾੜ ਸਾਬਕਾ ਵਿੱਤ ਮੰਤਰੀ ਦੇ ਅਤਿ ਕਰੀਬੀ ਵਿਅਕਤੀਆਂ ਵਿੱਚੋਂ ਇੱਕ ਸਨ। ਉਹ ਮਨਪ੍ਰੀਤ ਬਾਦਲ ਦੇ ਵਿੱਤ ਮੰਤਰੀ ਹੁੰਦਿਆਂ ਓ.ਐਸ.ਡੀ. ਦੇ ਅਹੁਦੇ ‘ਤੇ ਤਾਇਨਾਤ ਰਹੇ। 





29 July 2011

ਮੁੱਖ ਮੰਤਰੀ ਬਾਦਲ ਦੇ ਹਲਕੇ ਵਿਚ ਚੋਣ ਜ਼ਾਬਤੇ ਦੀ ਉਲੰਘਣਾ

           ਮਾਰਕਫੈੱਡ ਦੇ ਨਵ ਨਿਯੁਕਤ ਨਿਦੇਸ਼ਕ ਨੇ ਚੈੱਕ ਵੰਡੇ ਅਤੇ ਸਕੂਲ ਦੀ ਇਮਾਰਤ ਦਾ ਉਦਘਾਟਨ ਕੀਤਾ  
 
                                                                 -ਇਕਬਾਲ ਸਿੰਘ ਸ਼ਾਂਤ-
ਲੰਬੀ-ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਚੋਣਾਂ ਦਾ ਜ਼ਾਬਤਾ ਲਾਗੂ ਹੋਣ ਦੇ ਬਾਵਜੂਦ ਮਾਰਕਫੈੱਡ ਦੇ ਨਵਨਿਯੁਕਤ ਨਿਦੇਸ਼ਕ ਅਤੇ ਜ਼ਿਲ੍ਹਾ ਸਹਿਕਾਰੀ ਬੈਂਕ ਮੁਕਤਸਰ ਦੇ ਚੇਅਰਮੈਨ ਵੱਲੋਂ ਜ਼ਾਬਤੇ ਦੀ ਉਲੰਘਣਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ।
                  ਮਾਰਕਫੈੱਡ ਦੇ ਨਵਨਿਯੁਕਤ ਨਿਦੇਸ਼ਕ ਅਤੇ ਜ਼ਿਲ੍ਹਾ ਸਹਿਕਾਰੀ ਬੈਂਕ ਮੁਕਤਸਰ ਦੇ ਚੇਅਰਮੈਨ ਸ. ਤੇਜਿੰਦਰ ਸਿੰਘ ਮਿੱਡੂਖੇੜਾ (ਸੀਨੀਅਰ ਅਕਾਲੀ ਆਗੂ) ਨੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਦੀ ਵਿਧਾਇਕੀ ਵਾਲੇ ਹਲਕੇ ਲੰਬੀ ਦੇ ਪਿੰਡ ਮਾਹੂਆਣਾ ਵਿਖੇ ਜਿੱਥੇ ਅੱਜ ਕਈ ਗਰੀਬ ਪਰਿਵਾਰਾਂ ਨੂੰ ਮਕਾਨ ਬਨਾਉਣ ਲਈ ਤੇ ਮਕਾਨਾਂ ਦੀ ਮੁਰੰਮਤ ਲਈ ਚੈਕ ਵੰਡੇ, ਉਥੇ ਪਿੰਡ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ਵਿਚ ਇਮਾਰਤ ਦੇ ਨਵੇਂ ਉਸਾਰੇ ਇੱਕ ਬਲਾਕ ਦਾ ਉਦਘਾਟਨ ਵੀ ਕੀਤਾ। ਅੱਜ ਸਕੂਲ ਵਿਚ ਉਦਘਾਟਨ ਦੇ ਸਬੰਧ ਵਿਚ ਸ੍ਰੀ ਅਖੰਡ ਪਾਠ ਦੇ ਭੋਗ ਪਾਏ ਅਤੇ ਲੰਗਰ ਵੀ ਵਰਤਾਇਆ ਗਿਆ।
                ਹਾਲਾਂਕਿ ਸ. ਤੇਜਿੰਦਰ ਸਿੰਘ ਮਿੱਡੂਖੇੜਾ ਨੇ ਸੰਪਰਕ ਕਰਨ 'ਤੇ ਲੋਕਾਂ ਨੂੰ ਚੈੱਕ ਵੰਡਣ ਦੀ ਗੱਲ ਨੂੰ ਸਿਰੇ ਤੋਂ ਨਕਰਾਦਿਆਂ ਕਿਹਾ ਕਿ ਮੇਰੇ ਵੱਲੋਂ ਸਕੂਲ ਦੀ ਇਮਾਰਤ ਦਾ ਉਦਘਾਟਨ ਕਰਨ ਦਾ ਪ੍ਰੋਗਰਾਮ ਪਹਿਲਾਂ ਤੋਂ ਨਿਰਧਾਰਤ ਸੀ ਪਰ ਅੱਜ ਚੋਣ ਜ਼ਾਬਤਾ ਲੱਗਣ ਕਰਕੇ ਉਦਘਾਟਨ ਨਹੀਂ ਕੀਤਾ ਗਿਆ। ਜੇਕਰ ਸਕੂਲ ਪ੍ਰਬੰਧਕਾਂ ਨੇ ਨੀਂਹ-ਪੱਥਰ ਕੱਲ੍ਹ ਲਗਾ ਦਿੱਤਾ ਤਾਂ ਉਸ ਵਿਚ ਮੇਰਾ ਕੋਈ ਕਸੂਰ ਨਹੀਂ।



               ਦੂਜੇ ਪਾਸੇ ਜ਼ਿਲ੍ਹਾ ਯੂਥ ਕਾਂਗਰਸ ਮੁਕਤਸਰ ਦੇ ਸਾਬਕਾ ਪ੍ਰਧਾਨ ਸ. ਰਣਧੀਰ ਸਿੰਘ ਖੁੱਡੀਆਂ ਨੇ ਚੇਅਰਮੈਨ ਤੇਜਿੰਦਰ ਸਿੰਘ ਮਿੱਡੂਖੇੜਾ ਵੱਲੋਭ ਸ਼੍ਰੋਮਣੀ ਕਮੇਟੀ ਚੋਣਾਂ ਲਈ ਜ਼ਾਬਤਾ ਲਾਗੂ ਹੋਣ ਲੱਗਣ ਦੇ ਬਾਵਜੂਦ ਲੋਕਾਂ ਨੂੰ ਚੈੱਕ ਵੰਡਣ ਨੂੰ ਸਿੱਧੇ ਤੌਰ 'ਤੇ ਉਲੰਘਣਾ ਦਾ ਗੰਭੀਰ ਮਾਮਲਾ ਕਰਾਰ ਦਿੰਦਿਆਂ ਕਿਹਾ ਕਿ ਹਾਕਮ ਧਿਰ ਵੱਲੋਂ ਇਹ ਤਾਂ ਅਜੇ ਸ਼ੁਰਆਤ ਹੈ। ਹਲਕੇ ਵਿਚ ਅਜੇ ਤਾਂ ਪਿੰਡ-ਪਿੰਡ ਵਿਚ ਪਹਿਲਾਂ ਸ਼੍ਰੋਮਣੀ ਕਮੇਟੀ ਅਤੇ ਫਿਰ ਵਿਧਾਨਸਭਾ ਚੋਣਾਂ ਤੱਕ ਅਜਿਹੇ ਵਰਤਾਰੇ ਆਮ ਵੇਖਣ-ਸੁਨਣ ਨੂੰ ਮਿਲਣੇ ਹਨ। ਉਨ੍ਹਾਂ ਚੋਣ ਕਮਿਸ਼ਨ ਤੋਂ ਚੋਣ ਜ਼ਾਬਤੇ ਦੀ ਉਲੰਘਣਾ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਸਖ਼ਤ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ।
 -Ph. 098148-26100/09317826100
iqbal.shant@gmail.com

24 July 2011

ਲੋਕਾਂ ਦੇ ਦੁੱਖ ਤਕਲੀਫ਼ਾਂ 'ਤੇ ਭਾਰੂ ਲੀਡਰਾਂ ਦੀ ਸੁਰੱਖਿਆ

        -ਮਰਹੂਮ ਵਫ਼ਾਦਾਰ ਅਕਾਲੀ ਵਰਕਰ ਦੇ ਦੁਖੀ ਪਰਿਵਾਰ ਨੂੰ ਖਾਕੀ ਨੇ ਹਰਸਿਮਰਤ ਤੋਂ ਦੂਰ ਰੱਖਿਆ-
ਲੰਬੀ - ਇਹ ਦੇਸ਼ ਦੀ ਜਨਤਾ ਦੇ ਮੰਦੇ ਭਾਗ ਹੀ ਹਨ ਕਿ ਅੱਜ ਲੋਕਾਂ ਦੇ ਦੁੱਖ ਤਕਲੀਫ਼ਾਂ ਨਾਲੋਂ ਲੀਡਰਾਂ ਦੀ ਸੁਰੱਖਿਆ ਜ਼ਿਆਦਾ ਅਹਿਮ ਹੋ ਗਈ ਹੈ। ਪਿੰਡ ਵਣਵਾਲਾ 'ਚ ਹਰਸਿਮਰਤ ਕੌਰ ਬਾਦਲ ਦੇ ਜਲਸੇ ਵਿਚ ਆਪਣੇ ਮ੍ਰਿਤਕ ਭਰਾ ਬਿੱਕਰ ਸਿੰਘ, ਜਿਸਦੀ ਪਿਛਲੇ ਮਹੀਨੇ ਖੇਤ ਵਿਚ ਕੰਮ ਕਰਦੇ ਸਮੇਂ ਕਰੰਟ ਲੱਗਣ ਕਰਕੇ ਮੌਤ ਹੋ ਗਈ ਸੀ, ਦੇ ਬੇਸਹਾਰਾ ਪਰਿਵਾਰ ਲਈ ਸਹਾਰੇ ਤਾਂਘ ਵਿਚ ਪੁੱਜੀ ਅਕਾਲੀ ਮਰਹੂਮ ਅਕਾਲੀ ਵਫ਼ਾਦਾਰ ਵਰਕਰ ਪ੍ਰੀਤਮ ਸਿੰਘ ਦੀ ਪੋਲੀਓਗ੍ਰਸਤ ਧੀ ਸੁਰਜੀਤ ਕੌਰ ਅਤੇਉਸਦੀ ਭਾਬੀ ਅਤੇ ਤਿੰਨ ਨਾਬਾਲਗ ਭਤੀਜੀਆਂ ਪਰਮਿੰਦਰ ਕੌਰ, ਮਨਿੰਦਰ ਕੌਰ ਅਤੇ ਬੇਅੰਕ ਕੌਰ ਨੂੰ ਨਾਲ ਲੈ ਕੇ ਹਰਮਿਸਰਤ ਕੌਰ ਦੇ ਆਉਣ ਤੋਂ ਪਹਿਲਾਂ ਹੀ ਪੁਲਿਸ ਨੇ ਪੰਡਾਲ ਵਿਚ ਸੁਰੱਖਿਆ ਦੀ ਆੜ ਵਿਚ ਇੱਕ ਪਾਸੇ ਔਰਤਾਂ ਦੀ ਕਤਾਰ ਵਿਚ ਬਿਠਾ ਦਿੱਤਾ। ਆਪਣੇ ਪਿਤਾ ਪੁਰਖੀ ਪਾਰਟੀ ਦੇ ਮੁਖੀ ਦੀ ਨੂੰਹ ਕੋਲ ਆਪਣੇ ਭਰਾ ਦੇ ਪਰਿਵਾਰ ਦਾ ਦੁੱਖ ਫਰੋਲਣ ਗਈ ਪਰ ਉਥੇ ਵੀ ਨੀਲੇ ਬਾਣੇ 'ਤੇ ਖਾਕੀ ਭਾਰੂ ਹੋ ਨਿਬੜਿਆ। ਉਸਨੇ ਜਲਸੇ ਬਾਅਦ ਹਰਸਿਮਰਤ ਕੌਰ ਦੇ ਆਉਣ ਤੋਂ ਲੈ ਕੇ ਉਨ੍ਹਾਂ ਦੇ ਜਾਣ ਤੱਕ ਕਈ ਵਾਰ ਉੱਠਣ ਦੀ ਕੋਸ਼ਿਸ਼ ਕੀਤੀ, ਪਰ ਵਾਰ  ਮਹਿਲਾ ਪੁਲਿਸ ਦੀਆਂ ਤਿੱਖੀਆਂ ਨਜ਼ਰਾਂ ਨੇ ਉਸ ਅਪਾਹਜ ਨੂੰ ਕੁਰਸੀ ਤੋਂ ਉੱਠਣ ਦਾ ਹੌਂਸਲਾ ਨਾ ਪੈਣ ਦਿੱਤਾ।
              ਜਲਸੇ ਮਗਰੋਂ ਸੁਰਜੀਤ ਕੌਰ ਨੇ ਦੁਖੀ ਮਨ ਨਾਲ ਕਿਹਾ ਕਿ ਮੇਰਾ ਭਰਾ ਬਿੱਕਰ ਸਿੰਘ ਕਰੰਟ ਲੱਗਣ ਕਰਕੇ ਰੱਬ ਨੂੰ ਪਿਆਰਾ ਹੋ ਗਿਆ। ਸਿਰਫ਼ ਇੱਕ ਏਕੜ ਜ਼ਮੀਨ ਵਾਲੇ ਪਰਿਵਾਰ ਕੋਲ ਰੁਜ਼ਗਾਰ ਦਾ ਕੋਈ ਜਰੀਆ ਨਹੀਂ। ਅਸੀਂ ਅੱਜ ਬੜੀ ਆਸ ਲੈ ਕੇ ਆਏ ਸੀ ਕਿ ਹਰਮਿਸਰਤ ਕੋਲੋਂ ਕੁਝ ਸਹਾਰਾ ਮਿਲੇਗਾ। ਪਰ ਪੁਲੀਸ ਵਾਲੀਆਂ ਨੇ ਸਾਨੂੰ ਤਾਂ ਨੇੜਿਓਂ ਤੱਕਣ ਈ ਨਹੀਂ ਦਿੱਤਾ। ਪਰ ਹੁਣ ਸਰਪੰਚ ਨੂੰ ਦਰਖਾਸਤ ਫੜਾਈ ਐ ਵੇਖੋ ਕੀ ਬਣਦੈ।
             ਜਦੋਂਕਿ ਗੱਡੀ ਵਿਚ ਬੈਠਣ ਤੋਂ ਪਹਿਲਾਂ ਭਾਰੀ ਸੁਰੱਖਿਆ ਪ੍ਰਬੰਧਾਂ ਵਿਚ ਸੰਸਦ ਮੈਂਬਰ ਤੇ ਵਾਤਾਵਰਨ ਪ੍ਰੇਮੀ ਹਰਸਿਮਰਤ ਕੌਰ ਬਾਦਲ ਨੂੰ ਜਲਸੇ ਦੇ ਬਾਹਰ ਇੱਕ ਮੇਜ 'ਤੇ ਘੱਟ ਰੱਖੇ (ਡਿਸਪਲੇ ਕੀਤੇ) ਬੂਟਾ ਪ੍ਰਸਾਦ ਲਈ ਅਫਸਰਾਂ ਨੂੰ ਝਾੜ ਪਾਉਣਾ ਤਾਂ ਚੇਤੇ ਰਿਹਾ, ਪਰ ਸ਼ਾਇਦ ਸੁਰਜੀਤ ਕੌਰ ਜਿਹੇ ਗਰੀਬਾਂ ਲਈ ਉਨ੍ਹਾਂ ਕੋਲ ਸਮਾਂ ਨਹੀਂ ਸੀ ਤਾਂ ਸੁਰੱਖਿਆ ਪ੍ਰਬੰਧਾਂ ਦਾ ਕਵਚ ਲੋਕ ਹਿੱਤਾਂ 'ਤੇ ਜ਼ਿਆਦਾ ਭਾਰੂ ਸੀ।
            ਇਸੇ ਦੌਰਾਨ ਉਪ ਮੁੱਖ ਮੰਤਰੀ ਦੇ ਨਿੱਜੀ ਸਕੱਤਰ ਅਵਤਾਰ ਸਿੰਘ ਵਣਵਾਲਾ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬਿੱਕਰ ਸਿੰਘ ਦੇ ਪਰਿਵਾਰ ਦੀ ਦਰਖਾਸਤ ਮਿਲ ਗਈ ਤੇ ਪਰਿਵਾਰ ਦੀ ਮੱਦਦ ਲਈ ਉਨ੍ਹਾਂ ਨੇ ਬਿੱਕਰ ਸਿੰਘ ਦੀ ਮੌਤ ਦੇ ਮੁਆਵਜੇ ਲਈ ਮੰਡੀ ਬੋਰਡ ਅਤੇ ਬੱਚੀਆਂ ਦੀ ਮੱਦਦ ਲਈ ਕੇਸ ਬਣਾ ਕੇ ­ਪ੍ਰਸ਼ਾਸਨ ਨੂੰ ਭੇਜਿਆ ਜਾ ਰਿਹਾ ਹੈ।



        ਹਰਸਿਮਰਤ ਨੇ ਗਾਏ ਬਾਦਲ ਦੇ ਸ਼ੋਹਲੇ, ਤਰਮਾਲਾ ਨੇ ਲਾਏ 
                        ਮਨਪ੍ਰੀਤ ਤੇ ਮੰਟੇ ਨੂੰ ਸ਼ਬਦੀ ਰਗੜੇ 
ਲੰਬੀ-ਬਠਿੰਡਾ ਲੋਕਸਭਾ ਹਲਕੇ ਤੋਂ ਸੰਸਦ ਮੈਂਬਰ ਹਰਸਿਮਰਤ ਕੌਰ ਬਾਦਲ ਨੇ ਕੱਲ੍ਹ ਦੇਰ ਸ਼ਾਮ ਪਿੰਡ ਵਣਵਾਲਾ ਵਿਖੇ ਇੱਕ ਜਲਸੇ ਨੂੰ ਸੰਬੋਧਨ ਕਰਦਆਂ ਜਿੱਥੇ ਆਪਣੇ ਸਹੁਰੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਨੂੰ ਦੇਸ਼ ਦਾ ਇੱਕ ਨੰਬਰ ਦਾ ਲੋਕ ਸੇਵਾਦਾਰ ਕਰਾਰ ਦੇਣੋਂ ਨਾ ਧੱਕੇ, ਉਥੇ ਅਕਾਲੀ ਦਲ ਹਲਕਾ ਲੰਬੀ ਦੇ ਪ੍ਰਧਾਨ ਇਕਬਾਲ ਸਿੰਘ ਤਰਮਾਲਾ ਨੇ ਆਪਣੀ ਤਕਰੀਰ ਵਿਚ ਆਪਣੇ ਸਿਆਸੀ ਆਕਾਵਾਂ ਦੇ ਨਵੇਂ ਵਿਰੋਧੀ ਹੋਏ ਸ. ਮਨਪ੍ਰੀਤ ਸਿੰਘ ਬਾਦਲ ਅਤੇ ਸਾਬਕਾ ਅਕਾਲੀ ਲਫਟੈਨ ਸਤਿੰਦਰਜੀਤ ਸਿੰਘ ਮੰਟਾ 'ਤੇ ਬੜੀ ਸ਼ਿੱਦਤ ਨਾਲ ਸ਼ਬਦੀ ਰਗੜੇ ਲਾਏ। ਸ੍ਰੀ ਤਰਮਾਲਾ ਨੇ ਮਨਪ੍ਰੀਤ ਸਿੰਘ ਬਾਦਲ 'ਤੇ ਮੁੱਖ ਮੰਤਰੀ ਸ੍ਰੀ ਬਾਦਲ ਨਾਲ ਧਰੋਹ ਕਮਾਉਣ ਦੇ ਦੋਸ਼ ਲਾਉਂਦਿਆਂ ਕਿਹਾ ਕਿ 'ਬਾਦਲ ਸਾਬ੍ਹ ਮਨਪ੍ਰੀਤ ਨੂੰ ਬਹੁਤ ਪਿਆਰ ਕਰਦੇ ਸਨ ਤੇ ਜੇਕਰ ਉਨ੍ਹਾਂ ਨੇ ਇੱਕ ਵਾਰ ਆਪਣੀ ਮੁੱਖ ਮੰਤਰੀ ਬਣਨ ਦੀ ਇੱਛਾ ਇਜ਼ਹਾਰ ਕੀਤਾ ਹੁੰਦਾ ਵੱਡੇ ਬਾਦਲ ਸਾਬ੍ਹ ਨੇ ਉਸਨੂੰ ਹੱਸ ਕੇ ਮੰਨ ਲੈਣਾ ਸੀ।''
            ਇਸ ਮੌਕੇ ਸੰਸਦ ਮੈਂਬਰ ਬੀਬੀ ਬਾਦਲ ਨੇ ਕਿਹਾ ਕਿ ਪੰਜਾਬ ਵਿਚ ਅਕਾਲੀ ਸਰਕਾਰ ਬਿਨ੍ਹਾਂ ਦਾ ਬਹੁਪੱਖੀ ਵਿਕਾਸ ਸੰਭਵ ਨਹੀਂ। ਉਨ੍ਹਾਂ ਅੰਕੜੇ ਗਿਣਾਉਂਦੇ ਹੋਏ ਕਿਹਾ ਕਿ ੂਸਬੇ ਵਿਚ 16 ਲੱਖ ਪਰਿਵਾਰਾਂ ਨੂੰ ਆਟਾ-ਦਾਲ, 19 ਲੱਖ ਲੋਕਾਂ ਨੂੰ ਬੁਢਾਪਾ ਪੈਨਸ਼ਨਾਂ ਅਤੇ ਵੱਡੀ ਤਾਦਾਦ ਵਿਚ ਸ਼ਗੁਨ ਸਕੀਮਾਂ ਦਿੱਤੀਆਂ ਜਾ ਰਹੀਆਂ ਹਨ। ਜਦਕਿ ਪਖਾਨੇ ਅਤੇ ਗਰੀਬਾਂ ਨੂੰ ਪੱਕੇ ਮਕਾਨ ਤੇ ਮੁਰੰਮਤ ਲਈ ਗਰਾਂਟਾਂ ਦੇ ਗੱਫੇ ਵੀ ਅਕਾਲੀ ਸਰਕਾਰ ਦੀ ਦੇਣ ਹਨ। ਉਨ੍ਹਾਂ ਬਠਿੰਡਾ ਤੋਲ ਸ਼ੋਧਕ ਕਾਰਖਾਨੇ ਨੂੰ ਇੱਕ ਰੁਜ਼ਗਾਰ ਦਾ ਵੱਡਾ ਸੋਮਾ ਦੱਸਦਿਆਂ ਪਿੰਡ ਘੁੱਦਾ ਵਿਚ ਕੇਂਦਰੀ ਯੂਨੀਵਰਸਿਟੀ ਦੀ ਸਥਾਪਤੀ ਲਈ ਵੀ ਮੌਜਦਾ ਸਰਕਾਰ ਨੂੰ ਸਿਹਰਾ ਦਿੱਤਾ।     
ਇਸ ਮੌਕੇ ਸੰਸਦ ਮੈਂਬਰ ਨੇ ਪਿੰਡ ਵਣਵਾਲਾ ਦੇ 4 ਅੰਗਹੀਣਾਂ ਨੂੰ ਟਰਾਈ ਸਾਇਕਲ ਦਿੱਤੇ ਅਤੇ ਕਈ ਬੂਟਾ ਪ੍ਰਸਾਦ ਵੀ ਦਿੱਤਾ।
                ਇਸ ਮੌਕੇ ਉਪ ਮੁੱਖ ਮੰਤਰੀ ਦੇ ਨਿੱਜੀ ਸਕੱਤਰ ਅਵਤਾਰ ਸਿੰਘ ਵਣਵਾਲਾ, ਜ਼ਿਲ੍ਹਾ ਪੁਲੀਸ ੁਮਖੀ ਇੰਦਰਮੋਹਨ ਸਿੰਘ, ਡੀ.ਡੀ.ਪੀ.ਓ. ਐਚ. ਐਸ. ਸਰਾਂ, ਜ਼ਿਲ੍ਹਾ ਭਲਾਈ ਅਫ਼ਸਰ ਗੁਰਮੀਤ ਸਿੰਘ, ਗੁਰਬਖਸ਼ੀਸ਼ ਸਿੰਘ ਵਿੱਕੀ ਮਿੱਡੂਖੇੜਾ ਅਤੇ ਜ਼ਿਲ੍ਹਾ ਮਹਿਲਾ ਅਕਾਲੀ ਦਲ ਦੇ ਪ੍ਰਧਾਨ ਆਸ਼ਾ ਬਜਾਜ, ਅਕਾਲੀ ਦਲ ਮਹਿਲਾ ਵਿੰਗ ਹਲਕਾ ਲੰਬੀ ਦੀ ਪ੍ਰਧਾਨ ਸੁਖਦੀਪ ਕੌਰ ਖਿਉਵਾਲੀ, ਨੌਜਵਾਨ ਆਗੂ ਜਿੰਮੀ ਮਹਿਣਾ, ਗੁਰਸੇਵਕ ਸਿੰਘ ਸਰਪੰਚ, ਕੁਲਵਿੰਦਰ ਸਿੰਘ ਪੰਚ, ਸੁਰਜੀਤ ਕੌਰ ਪੰਚ, ਮਨੋਹਰ ਸਿੰਘ ਪੰਚ, ਬਲਕਾਰ ਸਿੰਘ ਸੰਧੂ ਪੰਚ, ਹਰਜਿੰਦਰ ਸਿੰਘ, ਹਰਦੀਪ ਸਿੰਘ (ਨੰਬਰਦਾਰ) ਤੇ ਵਕੀਲ ਸਿੰਘ ਸਮੇਤ ਅਹੁਦੇਦਾਰ ਵੀ ਮੌਜੂਦ ਸਨ।

23 July 2011

ਸੋਚਾਂ ਵਿੱਚੋਂ ‘ਤੇਲ’ ਨਾ ਮੁੱਕੇ

                                                                    -ਰਾਮ ਸਵਰਨ ਲੱਖੇਵਾਲੀ-
             ਸਨੇਹ ਭਰੇ ਪੈਗਾਮ ਭਾਵ ਸੁਨੇਹਾ ਮੁੱਢ ਕਦੀਮ ਤੋਂ ਹੀ ਮਨੁੱਖੀ ਮਨ ਦਾ ਸਕੂਨ ਰਹੇ ਹਨ। ਪੁਰਾਣੇ ਸਮਿਆਂ ‘ਚ ਰੁੱਖਾਂ ਦੇ  ਛਿਲਕਿਆਂ, ਗੰਢਾਂ, ਚਿਤਰਾਂ ਤੋਂ ਸ਼ੁਰੂ ਹੋਈ ਇਹ ਪ੍ਰਕਿਰਿਆ ਸਮੇਂ ਅਨੁਸਾਰ ਬਦਲਦੀ ਰਹੀ ਹੈ। ਸਾਡੇ ਪੂਰਵਜ਼ਾਂ ਦੇ ਦੌਰ ‘ਚ ਸਮੇਂ ਤੇ ਲੋੜ ਅਨੁਸਾਰ ਸੁਨੇਹੇ ਭੇਜਣ ਲਈ ਇਨ੍ਹਾਂ ਦੀ ਹੀ ਵਰਤੋਂ ਕੀਤੀ ਜਾਂਦੀ ਸੀ। ਸਮਾਂ ਬਦਲਣ ਤੇ ਸੁਨੇਹੇ ਭੇਜਣ ਦੇ ਢੰਗ ਤਰੀਕੇ ਵੀ ਬਦਲਦੇ ਰਹੇ। ਕਿਸੇ ਸਮੇਂ ਸੁਨੇਹੇ ਲਿਜਾਣ ਦਾ ਕੰਮ ਪੰਛੀਆਂ ਤੋਂ ਵੀ ਲਿਆ ਜਾਂਦਾ ਸੀ। ਰਾਜੇ-ਮਹਾਰਾਜੇ ਆਪਣੇ ਸੁਨੇਹੇ ਸ਼ਾਹਾਨਾ ਅੰਦਾਜ਼ ‘ਚ ਆਪਣੇ ਦਰਬਾਰੀਆਂ ਰਾਹੀਂ ਭੇਜਿਆ ਕਰਦੇ ਸਨ। ਸਦੀਆਂ ਪੁਰਾਣੀ ਇਹ ਪਰੰਪਰਾ ਕਾਗਜ਼ ਦੇ ਜਨਮ ਸਮੇਂ ਚਿੱਠੀ ਪੱਤਰ ‘ਚ ਬਦਲ ਗਈ। ਪਹਿਲਾਂ ਪਹਿਲ ਇਹ ਕੰਮ ਪੋਸਟ ਕਾਰਡਾਂ ਨੇ ਸੰਭਾਲਿਆ ਤੇ ਫਿਰ ਸੁਨੇਹਿਆਂ ਦਾ ਕੰਮ ਡਾਕੀਆਂ ਦੇ ਹਿੱਸੇ ਆਇਆ। ਇਸ ਕੰਮ ਬਦਲੇ ਉਨ੍ਹਾਂ ਨੂੰ ਭਰਵਾਂ ਮਾਣ ਸਤਿਕਾਰ ਮਿਲਿਆ। ਹਰ ਕੋਈ ਉਨ੍ਹਾਂ ਦੀ   ਉਡੀਕ ਕਰਦਾ।
                 ਚਿੱਠੀ-ਪੱਤਰ ਸਰਹੱਦਾਂ ‘ਤੇ ਬੈਠੇ ਨੌਜਵਾਨਾਂ ਲਈ ਆਪਣੇ ਪਰਿਵਾਰ ਨਾਲ ਜੁੜਨ ਦਾ ਸਬੱਬ ਬਣਿਆ। ਆਪਣੇ ਘਰਾਂ ਤੋਂ ਦੂਰ ਬੈਠੇ ਲੋਕ ਸੁੱਖ ਸੁਨੇਹਿਆਂ ਲਈ ਡਾਕੀਏ ਨੂੰ ਉਡੀਕਦੇ। ਵਿਗਿਆਨ ਨੇ ਹੋਰ ਮੱਲਾਂ ਮਾਰੀਆਂ ਤਾਂ ਸੁਨੇਹਿਆਂ ਦਾ ਰੂਪ ਤਾਰਾਂ ‘ਚ ਵਟ ਗਿਆ। ਫਿਰ ਸੁਨੇਹੇ ਟੈਲੀਫੋਨ ਰਾਹੀਂ ਆਉਣ ਜਾਣ ਲੱਗੇ। ਚਿੱਠੀ ਪੱਤਰ ਦੀ ਲੋੜ ਘਟਣ ਲੱਗੀ। ਸੁਨੇਹਿਆਂ ਦਾ ਰੂਪ ਸੰਖੇਪ ਹੋ ਗਿਆ। ਹੁਣ ਸੁਨੇਹਿਆਂ ਨੂੰ ਵਿਗਿਆਨ ਦੀ ਨਵੀਂ ਕਾਢ ਮੋਬਾਈਲ ਨੇ ਸੰਭਾਲ ਲਿਆ ਹੈ। ਜਨਮ ਦਿਨ, ਨੌਕਰੀ ਮਿਲਣ, ਵਿਆਹ ਸ਼ਾਦੀ, ਗੁਰਪੁਰਬ, ਵਿਸ਼ੇਸ਼ ਦਿਨ, ਨਾਇਕਾਂ ਦੇ ਜਨਮ ਦਿਨ ‘ਤੇ ਮਨੁੱਖ ਦੀ ਨਿੱਜੀ ਖੁਸ਼ੀ ਨਾਲ ਸਬੰਧਤ ਸਾਰੇ ਸੁਨੇਹੇ ਹੁਣ ਮੋਬਾਈਲ ਹੀ ਲੈ ਕੇ ਆਉਂਦਾ ਹੈ। ਮੋਬਾਈਲ ਨੇ ਚਿੱਠੀ ਪੱਤਰ ਰਾਹੀਂ ਮਿਲਦੇ ਸੁਨੇਹਿਆਂ ਨੂੰ ਲਗਪਗ ਖ਼ਤਮ ਹੀ ਕਰ ਦਿੱਤਾ ਹੈ ਤੇ ਡਾਕੀਏ ਸਰਕਾਰੀ ਤੇ ਦਫ਼ਤਰੀ ਚਿੱਠੀ ਪੱਤਰ ਤੱਕ ਹੀ ਸੀਮਿਤ ਹੋ ਕੇ ਰਹਿ ਗਏ ਹਨ।
                   ਮਨੁੱਖ ਨੇ ਹਮੇਸ਼ਾਂ ਆਪਣੇ ਸਵਾਰਥ ਲਈ ਵਿਗਿਆਨ ਦੀ ਦੁਰਵਰਤੋਂ ਕੀਤੀ ਹੈ। ਮੋਬਾਈਲ ‘ਤੇ ਸੁਨੇਹਿਆਂ ਦੀ ਗੱਲ ਕਰਨੀ ਹੋਵੇ ਤਾਂ ਹਰੇਕ ਇਸ ਦੀ ਦੁਰਵਰਤੋਂ ਤੋਂ ਪ੍ਰੇਸ਼ਾਨ ਹੈ।  ਮੋਬਾਈਲ ‘ਤੇ ਕੰਪਨੀਆਂ ਵੱਲੋਂ ਵਪਾਰ, ਗੀਤ-ਸੰਗੀਤ, ਖ਼ਬਰਾਂ, ਚੁਟਕਲਿਆਂ, ਕ੍ਰਿਕਟ ਸਕੋਰ, ਪਿਆਰ-ਵਿਆਰ, ਰਾਸ਼ੀਫਲ, ਸ਼ੇਅਰ ਮਾਰਕੀਟ, ਬੀਮੇ ਸਬੰਧੀ ਭੇਜੇ ਜਾਂਦੇ ਥੋਕ ਦੇ ਭਾਅ ਸੁਨੇਹੇ ਲੋਕਾਂ ਦੀ ਸਿਰਦਰਦੀ ਬਣਦੇ ਹਨ। ਅਜਿਹੇ ਸੁਨੇਹਿਆਂ ਨੂੰ ਮੋਬਾਈਲ ‘ਚੋਂ ਮਿਟਾਉਂਦਿਆਂ ਉਹ ਥੱਕ ਜਾਂਦੇ ਹਨ। ਨੌਜਵਾਨ ਪੀੜ੍ਹੀ ਨੂੰ ਤਾਂ ਇਨ੍ਹਾਂ ਸੁਨੇਹਿਆਂ ਨੇ ਕੁਰਾਹੇ ਤੋਰਨ ‘ਚ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਹਰੇਕ ਇਸ ਦੁਰਵਰਤੋਂ ‘ਤੇ ਕਲਪਦਾ ਹੈ। ਜਦ ਕੋਈ ਆਪਣਾ ਗ਼ਲਤ ਰਾਹ ਫੜ੍ਹਦਾ ਹੈ ਤਾਂ ਉਸ ਨੂੰ ਮਹਿਸੂਸ ਹੁੰਦਾ ਹੈ ਪਰ ਉਂਜ ਇਹ ਦੁਰਵਰਤੋਂ ਸਾਡੀ ਫ਼ਿਕਰਮੰਦੀ ਦਾ ਹਿੱਸਾ ਨਹੀਂ ਬਣਦੀ। ਇਸੇ ਲਈ ਅਸੀਂ ਇਸ ਨੂੰ ਰੋਕਣ ਦਾ ਕੋਈ ਰਾਹ ਨਹੀਂ ਲੱਭਦੇ। ਸੁਨੇਹਿਆਂ ਦੀ ਦੁਰਵਰਤੋਂ ਦੇ ਦੌਰ ‘ਚ ਇਸ ਦਾ ਇੱਕ ਉਲਟ ਪਾਸਾ ਵੀ ਹੈ। ਉਹ ਹੈ ਸੁਖ਼ਦ ਸੁਨੇਹੇ, ਜਿਨ੍ਹਾਂ ਦਾ ਆਦਾਨ-ਪ੍ਰਦਾਨ ਜਾਗਦੀ ਜਮੀਰ ਵਾਲੇ ਪੱਤਰਕਾਰਾਂ, ਕਲਮਕਾਰਾਂ, ਬੁੱਧੀਜੀਵੀਆਂ, ਤਰਕਸ਼ੀਲਾਂ, ਸੱਭਿਆਚਾਰਕ ਕਾਮਿਆਂ ਤੇ ਸਮਾਜਿਕ ਸਰੋਕਾਰਾਂ ਨਾਲ ਜੁੜੇ ਲੋਕਾਂ ‘ਚ ਹੁੰਦਾ ਹੈ। ਉਹ ਸੁਨੇਹੇ ਮਨ ਨੂੰ ਤਸੱਲੀ ਤਾਂ ਦਿੰਦੇ ਹਨ ਨਾਲ ਹੀ ਪ੍ਰੇਰਨਾ ਸ੍ਰੋਤ ਵੀ ਬਣਦੇ ਹਨ। ਉਨ੍ਹਾਂ ‘ਚ ਜੀਵਨ ਦਾ ਸੱਚ ਛੁਪਿਆ ਹੁੰਦਾ ਹੈ ਤੇ ਸਮੂਹ ਦੀ ਖ਼ੁਸ਼ੀ।
              ਹਾਸੇ ਮਜ਼ਾਕ ਵਾਲੇ ਸੰਤੇ-ਬੰਤੇ ਵਾਲੇ ਸੁਨੇਹਿਆਂ, ਅਸ਼ਲੀਲ ਤੇ ਮਾਨਵੀਂ  ਕਦਰਾਂ ਕੀਮਤਾਂ ਨੂੰ ਨਿਘਾਰਨ ਵਾਲੇ ਸੰਦੇਸ਼ਾਂ ਤੋਂ ਮੁਕਤ ਕਰਨ ਅਤੇ ਇਨ੍ਹਾਂ ਦੇ ਮੁਕਾਬਲੇ ਉਸਾਰੂ ਸੰਦੇਸ਼ਾਂ ਦੀ ਪ੍ਰਵਿਰਤੀ ਪੈਦਾ ਕਰਨ ਦੇ ਮਨਸ਼ੇ ਨਾਲ ‘ਤਰਕਸ਼ੀਲ’ ਮੈਗਜ਼ੀਨ ‘ਚ ‘ਹਵਾ ‘ਚ ਲਿਖੇ ਹਰਫ਼’ ਨਾਂ ਦਾ ਕਾਲਮ ਸ਼ੁਰੂ ਕੀਤਾ, ਜਿਸ ਦੇ ਹਾਂ ਪੱਖੀ ਨਤੀਜੇ ਵੇਖਣ ਨੂੰ ਮਿਲੇ। ਵਿਗਿਆਨੀਆਂ, ਬੁੱਧੀਜੀਵੀਆਂ, ਸ਼ਾਇਰਾਂ ਤੇ ਸਮਾਜ ਦੇ ਹੋਰ ਸੂਝਵਾਨ ਹਿੱਸਿਆਂ ਦੇ ਕਥਨਾਂ ਨੂੰ ਸੁਖ਼ਦ ਸੁਨੇਹਿਆਂ ‘ਚ ਵਰਤਣ ਦੀ ਰੀਤ ਤੁਰੀ। ਸਮਾਜ ਦਾ ਭਲਾ ਚਾਹੁਣ ਵਾਲੇ ਸਨੇਹੀਆਂ ਨੇ ਭਰਪੂਰ ਹੁੰਗਾਰਾ ਭਰਿਆ। ਇੱਕ ਮਿੱਤਰ ਨੇ ਇਹ ਸੁਨੇਹਾ ਭੇਜਿਆ, ‘ਕੁਝ ਫੁੱਲ ਹੀ ਝੱਖੜਾਂ ਨਾਲ ਟਕਰਾ ਕੇ ਫਲ ਬਣਨ ਦਾ ਮਾਣ ਹਾਸਲ ਕਰਦੇ ਹਨ…’ ਫਿਰ ਕੀ ਸੀ, ਹਾਂ-ਪੱਖੀ ਸੁਨੇਹੇ ਭੇਜਣ ਵਾਲੇ ਸਨੇਹੀਆਂ ਦਾ ਕਾਫ਼ਲਾ ਬਣਨ ਲੱਗਾ। ਸੁਨੇਹਿਆਂ ਦੀ ਗਿਣਤੀ ਵਧਣ ਲੱਗੀ। ”ਸ਼ਾਮ ਉਦਾਸੀ ਕਿਉਂ ਹੈ, ਦੀਵੇ ਬਾਲ ਦਿਓ, ਰਾਤਾਂ ਨੂੰ ਵੀ ਦਿਨ ਵਰਗਾ ਇਕਬਾਲ ਦਿਓ। ਜ਼ਿੰਦਗੀ ਦੀ ਖ਼ੂਬਸੂਰਤੀ ਇਹ ਨਹੀਂ ਕਿ ਤੁਸੀਂ ਕਿੰਨੇ ਖੁਸ਼ ਹੋ, ਬਲਕਿ ਜ਼ਿੰਦਗੀ ਦੀ ਖ਼ੂਬਸੂਰਤੀ ਇਸ ਗੱਲ ‘ਚ ਹੈ ਕਿ ਦੂਜੇ ਤੁਹਾਡੇ ਤੋਂ ਕਿੰਨੇ ਖ਼ੁਸ਼ ਹਨ। ਆਦਮੀਂ ਸੋਚਤਾ ਨਹੀਂ ਕੁਸ਼ ਭੀ ਮਰਨੇ ਕੇ ਬਾਅਦ, ਕੁਸ਼ ਨਾ ਸੋਚਨੇ ਪਰ ਭੀ ਆਦਮੀਂ ਮਰ ਜਾਤਾ ਹੈ। ਸੱਚਾਈ ਵਡਮੁੱਲੀ ਹੈ ਪਰ ਸੱਚਾਈ ਨਾਲ ਜਿਊਣਾ ਉਸ ਤੋਂ ਵੀ ਵਡਮੁੱਲਾ।
               ਸੰਘਰਸ਼ ਦੀ ਮਸ਼ਾਲ ਨਾਲ ਜੱਗ ਰੋਸ਼ਨ ਕਰੋ, ਦੀਵੇ ਬੱਤੀ ਤੇ ਬਲਬ ਨਾਲ ਹਨੇਰੇ ਦੂਰ ਨਹੀਂ ਹੁੰਦੇ। ਪਿਆਸ ਪ੍ਰਬਲ ਹੋਵੇ ਤਾਂ ਪਾਣੀ   ਮਾਰੂਥਲਾਂ ਵਿੱਚ ਵੀ ਮਿਲ ਜਾਂਦਾ ਹੈ। ਰੋਸ਼ਨ ਜ਼ਿੰਦਗੀ ਲੱਭਦਾ ਫਿਰਦਾ ਹਰ ਕੋਈ ਪਰ ਕੋਈ ਨਾ ਸੋਚੇ ਇੱਥੇ ਹਨੇਰਾ ਕਿਉਂ ਹੈ? ਡਰ ਜਾਂ ਲਾਲਸਾ ਕਰਕੇ ਚੰਗਾ ਕੰਮ ਕਰਨ ਵਾਲਾ ਮਨੁੱਖ ਚੰਗਿਆਈ ਦੇ ਮੂਲ ਤੋਂ ਕੋਹਾਂ ਦੂਰ ਹੁੰਦਾ ਹੈ। ਹਨੇਰੇ ਨੂੰ ਸਮਝਾ ਦੇਵੋ ਕਿ ਚਾਨਣ ਕਦੇ ਕਤਲ ਨਹੀਂ ਹੁੰਦੇ, ਨਾ ਹੀ ਜ਼ਿੰਦਰੇ ਲੱਗ ਸਕਦੇ ਨੇ, ਸੋਚਾਂ ਅਤੇ ਹਵਾਵਾਂ ਨੂੰ। ਏਨੀ ਲੰਬੀ ਨਹੀਂ ਹੁੰਦੀ ਕੋਈ ਵੀ ਰਾਤ ਕਿ ਚੜ੍ਹਦਾ ਨਾ ਹੋਵੇ ਉਸ ਤੋਂ ਅਗਲਾ ਸਵੇਰਾ। ਅੱਖਾਂ ਹੁੰਦਿਆਂ ਵੀ ਸਪਸ਼ਟ ਨੁਕਤਾ ਨਿਗ੍ਹਾਹ ਦਾ ਨਾ ਹੋਣਾ ਅੰਨ੍ਹੇ ਹੋਣ ਨਾਲੋਂ ਵੀ ਘਾਤਕ ਹੈ।”  ਇਸ ਵੰਨਗੀ ਨੇ ਮੋਬਾਈਲ ਸੁਨੇਹਿਆਂ ਤੋਂ ਅੱਗੇ ਤੁਰਦਿਆਂ ਇੰਟਰਨੈੱਟ ਤੇ ‘ਫੇਸਬੁੱਕ’ ਉੱਪਰ ਵੀ ਅਗਾਂਹਵਧੂ ਪਿਰਤਾਂ ਪਾਈਆਂ।
                  ਸੁਨੇਹਿਆਂ ਦੀ ਇਸ ਪਿਰਤ ਨਾਲ ਉਨ੍ਹਾਂ ਕਲਮਕਾਰਾਂ ਨੂੰ ਵੀ ਮਾਣ ਸਨਮਾਨ ਮਿਲਿਆ ਜਿਨ੍ਹਾਂ ਦੇ ਕਥਨ ਸੰਦੇਸ਼ਾਂ ‘ਚ ਵਟ ਕੇ ਦੇਸ਼ ਵਿਦੇਸ਼ ‘ਚ ਵਸਦੇ ਅਗਾਂਹਵਧੂ ਲੋਕਾਂ ਤੱਕ ਪਹੁੰਚੇ। ਸੁਖ਼ਦ ਸੁਨੇਹੇ ਸਾਡੀ ਜ਼ਿੰਦਗੀ ਦੇ ਸੁੱਖ ਦੇਣ ਵਾਲੇ ਅਜਿਹੇ ਪੰਨੇ ਹਨ ਜਿਹੜੇ ਜੀਵਨ ‘ਚ ਮਹਿਕ ਦਾ ਰੰਗ ਬਿਖ਼ੇਰਦੇ ਹਨ। ਆਪਣੇ ਕੰਮ, ਘਰ-ਪਰਿਵਾਰ, ਦਫ਼ਤਰ ਤੇ ਮਿਸ਼ਨ ਨੂੰ ਸੁਖ਼ਦ ਕਰਮ ਨਾਲ ਜੋੜਨ ਲਈ ਇਹ ਲਾਜ਼ਮੀ ਹੈ ਕਿ ਅਸੀਂ ਆਪਣੀ ਸੋਚ ਨੂੰ ਘਰ-ਪਰਿਵਾਰ ਤੇ ਨਿੱਜ ਤੱਕ ਸੀਮਿਤ ਕਰਨ ਦੀ ਬਜਾਏ ਸਮੂਹ ਨਾਲ ਜੋੜੀਏ। ਚਿੰਤਾ ਦੀ ਬਜਾਏ ਚਿੰਤਨ ਰਾਹੀਂ ਚੇਤਨਾ ਪੈਦਾ ਕਰਨ ਦੇ ਰਾਹ ਤੁਰੀਏ। ਜ਼ਿੰਦਗੀ ਦੀ ਬਿਹਤਰੀ ਲਈ ਹੋਰਨਾਂ ਦੀ ਬਾਂਹ ਬਣੀਏ ਤੇ ਸਮੂਹ ਨਾਲ ਜੁੜ ਕੇ ਬਿਖੜੇ ਪੈਂਡਿਆਂ ‘ਤੇ ਸਾਬਤ ਕਦਮੀਂ ਤੁਰਨ ਲਈ ਯਤਨਸ਼ੀਲ ਹੋਈਏ।

16 July 2011

ਕਿਤੇ ਗਿੱਦੜਬਾਹਾ ਵਰਗਾ ਤਾਂ ਨਹੀਂ ਕੈਲੀਫੋਰਨੀਆ

                                                                       -ਸ਼ਿਆਮ ਕਟਾਰੀਆ-
ਗਿੱਦੜਬਾਹਾ ਨੂੰ ਬਾਦਲ ਪਰਿਵਾਰ ਦਾ ਜੱਦੀ ਹਲਕਾ ਹੋਣ ਦਾ ਮਾਣ ਪ੍ਰਾਪਤ ਹੈ। ਹੋਰਾਂ ਹਲਕਿਆਂ ਦੇ ਲੋਕ ਜਿਨ੍ਹਾਂ ਨੇ ਗਿੱਦੜਬਾਹਾ ਨੂੰ ਨੇੜਿਓਂ ਨਹੀਂ ਵੇਖਿਆ, ਉਹ ਗਿੱਦੜਬਾਹਾ ਹਲਕੇ ਦੇ ਲੋਕਾਂ ਨੂੰ ਵਡਭਾਗਾ ਸਮਝਦੇ ਹੋਣਗੇ ਕਿ ਉਹ ਮੁੱਖ ਮੰਤਰੀ ਅਤੇ ਸਾਬਕਾ ਖਜ਼ਾਨਾ ਮੰਤਰੀ ਦੇ ਹਲਕੇ ਦੇ ਵਸਨੀਕ ਹਨ। ਬਾਹਰਲੇ ਲੋਕ ਇਸ ਭੁਲੇਖੇ ਦੇ ਵੀ ਸ਼ਿਕਾਰ ਹੋਣਗੇ ਕਿ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦਾ ਜੱਦੀ ਹਲਕਾ ਹੋਣ ਕਰਕੇ ਇਥੇ ਪੱਛੜਿਆਪਣ ਕਿਧਰੇ ਵੀ ਨਜ਼ਰ ਨਹੀਂ ਆਉਂਦਾ ਹੋਵੇਗਾ। ਵਿਕਾਸ ਕਾਰਜਾਂ ਨੇ ਤਾਂ ਸਮੁੱਚੇ ਹਲਕੇ ਦੀ ਨੁਹਾਰ ਹੀ ਬਦਲ ਕੇ ਰੱਖ ਦਿੱਤੀ ਹੋਵੇਗੀ। ਗਿੱਦੜਬਾਹਾ ਪ੍ਰਤੀ ਆਮ ਬੰਦੇ ਦੀ ਅਜਿਹੀ ਧਾਰਨਾ ਹੋਣੀ ਕੋਈ ਅਚੰਭੇ ਵਾਲੀ ਗੱਲ ਨਹੀਂ, ਜਦਕਿ ਪੰਜਾਬ ਦੇ ਸਾਬਕਾ ਖਜ਼ਾਨਾ ਮੰਤਰੀ ਸਵਰਗਵਾਸੀ ਡਾਕਟਰ ਕੇਵਲ ਕ੍ਰਿਸ਼ਨ ਖੁਦ ਗਿੱਦੜਬਾਹਾ ਪ੍ਰਤੀ ਅਜਿਹੀ ਸੋਚ ਹੀ ਰੱਖਦੇ ਸਨ।
                  ਸੰਨ 1995 ਵਿਚ ਹੋਈ ਗਿੱਦੜਬਾਹਾ ਜ਼ਿਮਨੀ ਚੋਣ ਸਮੇਂ ਇਕ ਮੁਲਾਕਾਤ ਦੌਰਾਨ ਉਨ੍ਹਾਂ ਨੇ ਇਸ ਭੇਦ ਦਾ ਖੁਲਾਸਾ ਕਰਦੇ ਹੋਏ ਦੱਸਿਆ ਸੀ ਕਿ ਸਾਡੇ ਦਿਲ-ਦਿਮਾਗ ‘ਚ ਇਹ ਗੱਲ ਬੈਠੀ ਹੋਈ ਸੀ ਕਿ ਜਿਸ ਹਲਕੇ ‘ਚੋਂ ਬਾਦਲ ਸਾਹਿਬ ਕਦੇ ਵੀ ਨਹੀਂ ਹਾਰੇ, ਉਸ ਹਲਕੇ ਅੰਦਰ ਤਾਂ ਕਿਸੇ ਚੀਜ਼ ਦੀ ਥੁੜ ਹੀ ਨਹੀਂ ਹੋਵੇਗੀ। ਸਾਡੇ ਮਨਾਂ ਅੰਦਰ ਇਹ ਖਦਸ਼ਾ ਵੀ ਸੀ ਕਿ ਹਲਕੇ ਅੰਦਰ ਸਾਨੂੰ ਤਾਂ ਠਹਿਰਨ ਲਈ ਵੀ ਜਗ੍ਹਾ ਨਹੀਂ ਮਿਲੇਗੀ। ਲੇਕਿਨ ਇਥੇ ਆ ਕੇ ਜਦ ਹਲਕੇ ਦਾ ਪਛੜਿਆਪਣ ਵੇਖਿਆ ਤਾਂ ਅਸੀਂ ਹੈਰਾਨ ਹੋਏ ਕਿ ਇਸ ਹਲਕੇ ਦੇ ਲੋਕ ਆਖਰ ਕੀ ਸੋਚ ਕੇ ਹਰ ਵਾਰੀ ਬਾਦਲ ਪਰਿਵਾਰ ਨੂੰ ਜਿਤਾਉਂਦੇ ਆ ਰਹੇ ਹਨ?
ਚੌਥੀ ਵਾਰ ਪੰਜਾਬ ਦਾ ਮੁੱਖ ਮੰਤਰੀ ਬਣਨ ਵਾਲੇ ਪ੍ਰਕਾਸ਼ ਸਿੰਘ ਬਾਦਲ ਦੇ ਇਸ ਜੱਦੀ ਹਲਕੇ ਦੇ ਖੇਤ ਜ਼ਮੀਨੀ ਪਾਣੀ ਮਾੜਾ ਹੋਣ ਕਰਕੇ ਅੱਜ ਵੀ ਸਿੰਚਾਈਯੋਗ ਨਹਿਰੀ ਪਾਣੀ ਦੀ ਘਾਟ ਦਾ ਸੰਤਾਪ ਭੋਗ ਰਹੇ ਹਨ ਜਦਕਿ ਲੋਕਾਂ ਨੂੰ ਪੀਣ ਵਾਲਾ ਸਾਫ-ਸੁਥਰਾ ਪਾਣੀ ਲੋੜ ਅਨੁਸਾਰ ਨਹੀਂ ਮਿਲ ਰਿਹਾ ਜਿਸ ਕਰਕੇ ਕੈਂਸਰ ਜਿਹੀ ਬਿਮਾਰੀ ਦੇ ਫੈਲਾਅ ਤੋਂ ਹਲਕੇ ਦਾ ਕੋਈ ਪਿੰਡ ਨਹੀਂ ਬਚਿਆ। ਭਾਵੇਂ ਬਾਦਲ ਸਰਕਾਰ ਵੱਲੋਂ ਲਗਾਏ ਗਏ ਆਰ.ਓ. ਪਲਾਂਟ (ਮੁੱਲ ਦੇ ਪਾਣੀ ਦੇ ਕੇਂਦਰ) ਦੇ ਆਗਾਜ਼ ਦਾ ਇਸ ਹਲਕੇ ਨੂੰ ਮਾਣ ਪ੍ਰਾਪਤ ਹੈ। ਪਰ ਇਹ ਪਲਾਂਟ ਵੀ ਲੋਕਾਂ ਦੀਆਂ ਆਸਾਂ ‘ਤੇ ਪੂਰੀ ਤਰ੍ਹਾਂ ਖਰੇ ਨਹੀਂ ਉਤਰੇ।
                  ਰੇਲਵੇ ਲਾਈਨ ਦੇ ਪਰਲੇ ਪਾਸੇ ਗਿੱਦੜਬਾਹਾ ਪਿੰਡ ਅਤੇ ਬੰਟਾਬਾਦ ਦੀ ਵਸੋਂ ਨਾ ਸਿਰਫ ਮੰਡੀ ਵਾਲੇ ਖੇਤਰ ਤੋਂ ਵੱਧ ਹੈ, ਬਲਕਿ ਨਗਰ ਕੌਂਸਲ ਲਈ ਚੁਣੇ ਜਾਣ ਵਾਲੇ ਮੈਂਬਰਾਂ ਦੀ ਗਿਣਤੀ ਵੀ ਜ਼ਿਆਦਾ ਹੁੰਦੀ ਹੈ। ਲੇਕਿਨ ਇਸ ਪਾਸੇ ਦੇ ਲੋਕਾਂ ਨੂੰ ਆਪਣੇ ਘਰ ਆਉਣ- ਜਾਣ ਲਈ ਰੇਲਵੇ ਲਾਈਨ ਨੂੰ ਪਾਰ ਕਰਨ ਲਈ ਹੇਠੋਂ ਦੀ ਲੰਘਣਾ ਪੈਂਦਾ ਹੈ। ਇਸ ਸਟੇਸ਼ਨ ਤੋਂ ਗੁਜ਼ਰਨ ਵਾਲੀਆਂ 16 ਸਵਾਰੀ ਗੱਡੀਆਂ ਤੋਂ ਇਲਾਵਾ ਮਾਲ ਅਤੇ ਸਪੈਸ਼ਲ ਗੱਡੀਆਂ ਕਾਰਨ ਪਰਲੇ ਪਾਰ ਦੇ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਲੋਕਾਂ ਦੀ ਚਿਰੋਕਣੀ ਮੰਗ ਹੈ ਕਿ ਪਿੰਡ ਨੂੰ ਮੰਡੀ ਨਾਲ ਜੋੜਨ ਲਈ ਇਥੇ ਜ਼ਮੀਨਦੋਜ਼ ਪੁਲ ਬਣਾਇਆ ਜਾਵੇ। ਸ੍ਰੀ ਅਟਲ ਬਿਹਾਰੀ ਵਾਜਪਾਈ ਦੀ ਸਰਕਾਰ ‘ਚ ਜਦ ਸ੍ਰੀ ਸੁਖਬੀਰ ਸਿੰਘ ਬਾਦਲ ਕੇਂਦਰੀ ਰਾਜ ਉਦਯੋਗ ਮੰਤਰੀ ਸਨ ਤਾਂ ਉਹ ਆਪਣੇ ਨਾਲ ਕੇਂਦਰੀ ਰਾਜ ਰੇਲਵੇ ਮੰਤਰੀ ਦਿਗਵਿਜੇ ਸਿੰਘ ਨੂੰ ਗਿੱਦੜਬਾਹਾ ਲੈ ਕੇ ਆਏ ਸਨ ਤਾਂ ਪ੍ਰੈਸ ਕਾਨਫਰੰਸ ਦੌਰਾਨ ਉਨ੍ਹਾਂ ਨੇ ਵਾਅਦਾ ਕੀਤਾ ਸੀ ਕਿ ਇਥੇ ਜਲਦੀ ਹੀ ਜ਼ਮੀਨਦੋਜ਼ ਪੁਲ ਬਣਾਇਆ ਜਾਵੇਗਾ ਪਰ ਪਰਨਾਲਾ ਉਥੇ ਦਾ ਉਥੇ ਹੀ ਹੈ। ਜਦਕਿ ਹੁਣ ਸੁਖਬੀਰ ਬਾਦਲ ਨੇ ਲੰਬੀ ਰੇਲਵੇ ਫਾਟਕ ‘ਤੇ ਪੁਲ ਬਣਾਉਣ ਦਾ ਇਕ ਹੋਰ ਵਾਅਦਾ ਕੀਤਾ ਹੈ।
               ਸੰਨ 1970 ਵਿਚ ਜਦ ਸ੍ਰੀ ਪ੍ਰਕਾਸ਼ ਸਿੰਘ ਬਾਦਲ ਪਹਿਲੀ ਵਾਰੀ ਪੰਜਾਬ ਦੇ ਮੁੱਖ ਮੰਤਰੀ ਬਣੇ ਸਨ ਤਾਂ ਮਾਰਕਫੈੱਡ ਦਾ ਇਥੇ ਇਕ ਪਲਾਂਟ ਲਗਾਇਆ ਗਿਆ ਸੀ ਜਿਸ ਵਿਚ ਹੁਣ ਸਿਰਫ ਪਸ਼ੂ ਖੁਰਾਕ ਹੀ ਤਿਆਰ ਹੁੰਦੀ ਹੈ। ਇਸ ਤੋਂ ਇਲਾਵਾ ਸ੍ਰੀ ਸੁਖਬੀਰ ਸਿੰਘ ਬਾਦਲ ਦੇ ਕੇਂਦਰੀ ਉਦਯੋਗ ਮੰਤਰੀ ਰਹਿਣ ਦੇ ਬਾਵਜੂਦ ਵੀ ਹਲਕੇ ਅੰਦਰ ਕੋਈ ਸਰਕਾਰੀ ਫੈਕਟਰੀ ਨਹੀਂ ਲਗਾਈ ਗਈ।
              ਸਿੱਖਿਆ ਦੇ ਅਦਾਰਿਆਂ ਵਿਚ ਵੀ ਇਥੇ ਬਾਦਲ ਪਰਿਵਾਰ ਦੇ ਨਿੱਜੀ ਅਦਾਰਿਆਂ ਦੀ ਸਰਦਾਰੀ ਬਰਕਰਾਰ ਹੈ। ਬੀਤੇ ਕਾਰਜਕਾਲ ਦੌਰਾਨ ਇਥੋਂ ਗੁਜ਼ਰਨ ਵਾਲੀ ਨੈਸ਼ਨਲ ਹਾਈਵੇਅ ਦੀ ਸੜਕ ਕਿਨਾਰੇ ਪਿੰਡ ਭਾਰੂ ਦੀ ਪੰਚਾਇਤੀ ਜ਼ਮੀਨ ‘ਤੇ ਬਣੇ ਹੋਏ ਗੁਰੂ ਗੋਬਿੰਦ ਸਿੰਘ ਕਾਲਜ ਨੂੰ ਡੇਰਾ ਝੰਗ (ਸਰਦਾਰਗੜ੍ਹ) ਵਿਖੇ ਤਬਦੀਲ ਕਰਕੇ ਗੁਰੂ ਗੋਬਿੰਦ ਸਿੰਘ ਕਾਲਜ ਤੋਂ ਬਾਬਾ ਸ੍ਰੀਚੰਦ ਕਾਲਜ ਬਣਾ ਕੇ ਨਾਂ ਹੀ ਨਹੀਂ ਬਦਲ ਦਿੱਤਾ ਗਿਆ, ਬਲਕਿ ਇਸ ਨੂੰ ਪੰਜਾਬ ਯੂਨੀਵਰਸਿਟੀ ਤੋਂ ਬਦਲ ਕੇ ਪੰਜਾਬੀ ਯੂਨੀਵਰਸਿਟੀ ਨਾਲ ਜੋੜ ਦਿੱਤਾ ਗਿਆ। ਪਿੰਡ ਭਾਰੂ ਦੀ ਜ਼ਮੀਨ ‘ਤੇ ਬਾਦਲ ਪਰਿਵਾਰ ਦੇ ਨਿੱਜੀ ਸਿੱਖਿਆ ਅਦਾਰੇ ਮਾਲਵਾ ਪਬਲਿਕ ਸਕੂਲ ਅਤੇ ਗੁਰੂ ਗੋਬਿੰਦ ਸਿੰਘ ਐਜੂਕੇਸ਼ਨ ਕਾਲਜ ਬੜੇ ਸ਼ਾਨ ਨਾਲ ਚੱਲ ਰਹੇ ਹਨ।
             ਸੜਕਾਂ, ਗਲੀਆਂ ਤੇ ਨਾਲੀਆਂ ਦਾ ਰੋਣਾ ਵੀ ਇਥੇ ਹੋਰਾਂ ਪਛੜੇ ਨਗਰਾਂ ਵਰਗਾ ਹੀ ਹੈ। ਇਸ ਦੇ ਬਾਵਜੂਦ ਬਾਦਲ ਸਰਕਾਰ ਆਪਣੀਆਂ ਸਿਆਸੀ ਰੈਲੀਆਂ ਅਤੇ ਸੰਗਤ ਦਰਸ਼ਨਾਂ ਦੌਰਾਨ ਇਹ ਵਾਅਦਾ ਕਰਨਾ ਨਹੀਂ ਭੁੱਲਦੇ ਕਿ ਗਿੱਦੜਬਾਹਾ ਨੂੰ ਕੈਲੀਫੋਰਨੀਆ ਬਣਾ ਦਿਆਂਗੇ। ਹਲਕੇ ਦੇ ਜਿਨ੍ਹਾਂ ਲੋਕਾਂ ਨੇ ਕੈਲੀਫੋਰਨੀਆ ਨਹੀਂ ਵੇਖਿਆ ਅਤੇ ਨਾ ਹੀ ਇਸ ਬਾਰੇ ਕੋਈ ਜਾਣਕਾਰੀ ਹੈ, ਉਨ੍ਹਾਂ ਨੂੰ ਕੈਲੀਫੋਰਨੀਆ ਅਜੂਬਾ ਲਗਦਾ ਹੈ। ਪਿਛਲੇ ਤਿੰਨ ਦਹਾਕਿਆਂ ਤੋਂ ਵੀ ਵੱਧ ਸਮੇਂ ਤੋਂ ਕੈਲੀਫੋਰਨੀਆ ਬਾਰੇ ਸੁਣਦੇ ਆ ਰਹੇ ਗਿੱਦੜਬਾਹਾ ਹਲਕੇ ਦੇ ਸਾਦ-ਮੁਰਾਦੇ ਲੋਕਾਂ ਨੂੰ ਹੁਣ ਤਾਂ ਇੰਜ ਜਾਪਣ ਲੱਗ ਪਿਆ ਹੈ ਕਿ ਕਿਤੇ ਕੈਲੀਫੋਰਨੀਆ ਵੀ ਗਿੱਦੜਬਾਹਾ ਵਰਗਾ ਹੀ ਨਾ ਹੋਵੇ।  

09 July 2011

ਮੁੱਖ ਮੰਤਰੀ ਬਾਦਲ ਨੇ ਸਰਕਾਰੀ ਸਕੂਲ ਵਿਚ ਗੁਜਾਰੀ ਰਾਤ


                                                        -ਇਕਬਾਲ ਸਿੰਘ ਸ਼ਾਂਤ-





          ਲੰਬੀ : ਦੇਸ਼ ਦੀ ਸਿਆਸਤ ਵੱਡਾ ਮੁਕਾਮ ਰੱਖਦੇ ਪੰਜਾਬ ਦੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਵੀ ਕਾਂਗਰਸ ਦੇ ਨੌਜਵਾਨ ਆਗੂ ਰਾਹੁਲ ਗਾਂਧੀ ਵੱਲੋਂ ਪਿੰਡਾਂ 'ਚ ਰਾਤਾਂ ਕੱਟਣ ਦੀ ਮੁਹਿੰਮ ਤੋਂ ਕਾਫ਼ੀ ਪ੍ਰਭਾਵਿਤ ਨਜ਼ਰ ਆ ਰਹੇ ਹਨ। ਜਿਸਦੇ ਕਰਕੇ ਉਨ੍ਹਾਂ ਨੇ
ਸੰਗਤ ਦਰਸ਼ਨ ਸਮਾਗਮਾਂ ਦੌਰਾਨ ਪਿੰਡਾਂ ਵਿਚ ਰਾਤਾਂ ਗੁਜਾਰਨ ਦਾ ਨਿਰਣਾ ਲਿਆ ਹੈ।
       ਆਪਣੀ ਇਸ ਮੁਹਿੰਮ ਤਹਿਤ ਸ੍ਰੀ ਬਾਦਲ ਨੇ ਬੀਤੀ ਰਾਤ ਲੰਬੀ ਹਲਕੇ ਦੇ ਪਿੰਡ ਛਾਪਿਆਂਵਾਲੀ ਦੇ ਸਰਕਾਰੀ ਮਿਡਲ ਸਕੂਲ ਵਿਚ ਰਾਤ ਗੁਜਾਰੀ।
           ਪ੍ਰਾਪਤ ਜਾਣਕਾਰੀ ਅਨੁਸਾਰ ਮੁੱਖ ਮੰਤਰੀ ਸ੍ਰੀ ਬਾਦਲ ਲਗਪਗ ਸਾਢੇ 7 ਵਜੇ ਪਿੰਡ ਛਾਪਿਆਂਵਾਲੀ ਦੇ ਗੁਰਦੁਆਰਾ ਸਾਹਿਬ ਪੁੱਜੇ। ਜਿੱਥੇ ਉਨ੍ਹਾਂ ਤਕਰੀਬਨ ਦੋ ਘੰਟੇ ਤੱਕ ਗੁਰਬਾਣੀ ਕੀਰਤਨ ਸਰਵਣ ਕੀਤਾ ਅਤੇ ਲੰਗਰ ਛਕਿਆ। ਉਸਦੇ ਉਪਰੰਤ ਮੁੱਖ ਮੰਤਰੀ ਦੇਰ ਰਾਤ ਸਾਢੇ 9 ਵਜੇ ਸਕੂਲ ਵਿਚ ਪਹੁੰਚੇ, ਜਿੱਥੇ ਉਨ੍ਹਾਂ ਰਾਤ ਸਕੂਲ ਦੇ ਇੱਕ ਕਮਰੇ ਵਿਚ ਰਾਤ ਗੁਜਾਰੀ ਅਤੇ ਅੱਜ ਸ੍ਰੀ ਬਾਦਲ ਰੋਜ਼ਾਨਾ ਵਾਂਗ ਸੱਜਰੇ ਉੱਠ ਕੇ ਸਕੂਲ ਵਿਚ ਹੀ ਨਹਾਉਣ ਧੋਣ ਉਪਰੰਤ ਲਗਪਗ ਸਵੇਰੇ ਪੌਨੇ ਵਜੇ ਅਗਲੇ ਪੜਾਅ ਲਈ ਰਵਾਨਾ ਹੋ ਗਏ। ਹਾਲਾਂਕਿ ਮੁੱਖ ਮੰਤਰੀ ਵੱਲੋਂ ਸਕੂਲ ਵਿਚ ਰਾਤ ਗੁਜਾਰਨ ਕਰਕੇ ਉਨ੍ਹਾਂ ਦੇ ਅਮਲੇ ਸੁਰੱਖਿਆ ਅਮਲੇ, ਪ੍ਰਸ਼ਾਸਨਿਕ ਅਧਿਕਾਰੀਆਂ ਲਈ ਸਮੁੱਚੀ ਰਾਤ ਦਿੱਕਤਾਂ ਨਾਲ ਭਰਪੂਰ ਰਹੀ। ਪ੍ਰਸ਼ਾਸਨ ਵੱਲੋਂ ਮੁੱਖ ਦੀ ਠਹਿਰ ਲਈ ਵੱਡੇ ਪੱਧਰ 'ਤੇ ਇੰਤਜਾਮ ਕੀਤੇ ਗਏ ਸਨ।
           ਜੀਵਨ ਦੇ ਅੱਠਵੇਂ ਦਹਾਕੇ ਵਿਚ ਵਿਚਰ ਰਹੇ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਦੇ ਇਸ ਅਚਨਚੇਤੀ ਫੈਸਲੇ ਨਾਲ ਜਿੱਥੇ ਪਿੰਡ ਵਾਲਿਆਂ ਅਤੇ ਆਮ ਜਨਤਾ ਵਿਚ ਚਰਚਾ ਹੈ, ਉਥੇ ਸਿਆਸੀ ਵਿਰੋਧੀ ਧਿਰਾਂ ਮੁੱਖ ਮੰਤਰੀ ਬਾਦਲ ਦੇ ਇਸ ਕਦਮ ਦੀ ਪਿਛਲੀ ਸਿਆਸਤ ਦੀਆਂ ਗੁੱਝੀਆਂ ਰਮਜਾਂ ਦੇ ਕਿਆਫ਼ੇ ਲਾਉਣ ਜੁੱਟ ਗਈਆਂ ਹਨ।


01 July 2011

“दद होता रहा छटपटाते रहे, आईने से सदा चोट खाते रहे, वो वतन बेचकर मुस्कुराते रहे हम वतन के लिए सिर कटाते रहे”

                इतना फॉरवर्ड करो की एक आन्दोलन बन जाये

280 लाख करोड़ का सवाल है ...
भारतीय गरीब है लेकिन भारत देश कभी गरीब नहीं रहा"* ये कहना है स्विस बैंक के डाइरेक्टर का. स्विस बैंक के डाइरेक्टर ने यह भी कहा है कि भारत का लगभग 280 लाख करोड़ रुपये उनके स्विस बैंक में जमा है. ये रकम इतनी है कि भारत का आने वाले 30 सालों का बजट बिना टैक्स के बनाया जा सकता है.

या यूँ कहें कि 60 करोड़ रोजगार के अवसर दिए जा सकते है. या यूँ भी कह सकते है कि भारत के किसी भी गाँव से दिल्ली तक 4 लेन रोड बनाया जा सकता है.

ऐसा भी कह सकते है कि 500 से ज्यादा सामाजिक प्रोजेक्ट पूर्ण किये जा सकते है. ये रकम इतनी ज्यादा है कि अगर हर भारतीय को 2000 रुपये हर महीने भी दिए जाये तो 60 साल तक ख़त्म ना हो. यानी भारत को किसी वर्ल्ड बैंक से लोन लेने कि कोई जरुरत नहीं है. जरा सोचिये ... हमारे भ्रष्ट राजनेताओं और नोकरशाहों ने कैसे देश को
लूटा है और ये लूट का सिलसिला अभी तक 2011 तक जारी है.

इस सिलसिले को अब रोकना बहुत ज्यादा जरूरी हो गया है. अंग्रेजो ने हमारे भारत पर करीब 200 सालो तक राज करके करीब 1 लाख करोड़ रुपये लूटा.

मगर आजादी के केवल 64 सालों में हमारे भ्रस्टाचार ने 280 लाख करोड़ लूटा है. एक तरफ 200 साल में 1 लाख करोड़ है और दूसरी तरफ केवल 64 सालों में 280 लाख करोड़ है. यानि हर साल लगभग 4.37 लाख करोड़, या हर महीने करीब 36 हजार करोड़ भारतीय मुद्रा स्विस बैंक में इन भ्रष्ट लोगों द्वारा जमा करवाई गई है.

भारत को किसी वर्ल्ड बैंक के लोन की कोई दरकार नहीं है. सोचो की कितना पैसा हमारे भ्रष्ट राजनेताओं और उच्च अधिकारीयों ने ब्लाक करके रखा हुआ है.

हमे भ्रस्ट राजनेताओं और भ्रष्ट अधिकारीयों के खिलाफ जाने का पूर्ण अधिकार है.हाल ही में हुवे घोटालों का आप सभी को पता ही है - CWG घोटाला, २ जी स्पेक्ट्रुम घोटाला , आदर्श होउसिंग घोटाला ... और ना जाने कौन कौन से घोटाले अभी उजागर होने वाले है ........

आप लोग जोक्स फॉरवर्ड करते ही हो.
इसे भी इतना फॉरवर्ड करो की पूरा भारत इसे पढ़े ... और एक आन्दोलन बन जाये

ਮਲਕਾ ਰਾਣੀ ਦੀ ਖੁਦਕਸੀ ਦਾ ਮਾਮਲਾ-ਪੀ ਐਸ ਯੂ ਵੱਲੋਂ ਜਾਂਚ ਰਿਪੋਰਟ ਜਾਰੀ

ਮਾਮਲੇ ਦੀ ਮੈਜਿਸਟਰੇਟੀ ਜਾਂਚ, ਦਸ ਲੱਖ ਮੁਆਵਜਾ ਤੇ ਇੱਕ ਜੀਅ ਨੂੰ ਨੌਕਰੀ ਦੀ ਮੰਗ

                                                      -ਬੀ ਐਸ ਭੁੱਲਰ-
ਬਠਿੰਡਾ :  ਨਰਸਿੰਗ ਦੀ ਵਿਦਿਆਰਥਣ ਮਲਕਾ ਰਾਣੀ ਵੱਲੋਂ 4 ਜੂਨ ਨੂੰ ਕੀਤੀ ਆਤਮ ਹੱਤਿਆ ਲਈ ਸੱਕ ਦੀ ਉਂਗਲੀ ਕਾਰਜਕਾਰੀ ਪ੍ਰਿਸੀਪਲ ਕਮਲ ਕੌਰ ਵੱਲ ਕਰਦਿਆਂ ਪੰਜਾਬ ਸਟੂਡੈਂਟਸ ਯੂਨੀਅਨ ਨੇ ਇਸ ਗੰਭੀਰ ਮਾਮਲੇ ਦੀ ਮੈਜਿਸਟਰੇਟੀ ਪੜਤਾਲ ਕਰਾਉਣ ਦੀ ਮੰਗ ਕੀਤੀ ਹੈ।

       ਇੱਕ  ਪ੍ਰੈਸ ਕਾਨਫਰੰਸ ਦੌਰਾਨ ਪੀ ਐਸ ਯੂ ਦੀ ਜੋਨਲ ਕਮੇਟੀ ਵੱਲੋਂ ਕੀਤੀ ਜਾਂਚ ਦੀ ਰਿਪੋਰਟ ਜਾਰੀ ਕਰਦਿਆਂ ਜਨਰਲ ਸਕੱਤਰ ਰਜਿੰਦਰ ਸਿੰਘ ਅਤੇ ਪ੍ਰਧਾਨ ਸੁਖਵਿੰਦਰ ਸਿੰਘ ਸਰੀਂਹ ਵਾਲਾ ਨੇ ਦੱਸਿਆ ਕਿ ਮਲਕਾ ਰਾਣੀ ਵੱਲੋਂ ਕੀਤੀ ਆਤਮ ਹੱਤਿਆ ਤੋਂ ਫੌਰੀ ਬਾਅਦ ਜਮਹੂਰੀ ਅਧਿਕਾਰ ਸਭਾ ਦੀ ਬਠਿੰਡਾ ਇਕਾਈ ਵੱਲੋਂ ਕੀਤੀ ਪੜਤਾਲ ਅਤੇ ਕੁਝ ਜਨਤਕ ਜਥੇਬੰਦੀਆਂ ਵੱਲੋਂ ਇਸ ਕਾਂਡ ਸਬੰਧੀ ਭਾਰਤੀ ਦੰਡਾਵਲੀ ਦੀ ਧਾਰਾ 306 ਤਹਿਤ ਦਰਜ ਹੋਏ ਮੁਕੱਦਮੇ ਨੂੰ ਰੱਦ ਕਰਵਾਉਣ ਲਈ ਕੀਤੀ ਬੂਅ ਪਾਹਰਿਆ ਦੀਆਂ ਖ਼ਬਰਾਂ ਪ੍ਰਕਾਸਿਤ ਹੋਣ ਉਪਰੰਤ ਉਹਨਾਂ ਦੀ ਜਥੇਬੰਦੀ ਨੇ ਇਸ ਅਹਿਮ ਮਾਮਲੇ ਦੇ ਸਾਰੇ ਮੁੱਦਿਆਂ ਨੂੰ ਡੂੰਘਾਈ ਨਾਲ ਘੋਖਣ ਵਾਸਤੇ ਪਹਿਲ ਕਦਮੀ ਕੀਤੀ ਹੈ।

       ਖੱਬੀ ਸੋਚ ਵਾਲੇ ਵਿਦਿਆਰਥੀ ਆਗੂਆਂ ਅਨੁਸਾਰ ਬੇਸੱਕ ਉਹਨਾਂ ਮ੍ਰਿਤਕ ਮਲਕਾ ਰਾਣੀ ਦੀਆਂ ਅਧਿਆਪਕਾਵਾਂ, ਸਹਿਪਾਠਣ ਲੜਕੀਆਂ ਅਤੇ ਪੁਲਿਸ ਦਾ ਪੱਖ ਕਈ ਦਿਨ ਪਹਿਲਾਂ ਹੀ ਹਾਸਲ ਕਰ ਲਿਆ ਸੀ, ਲੇਕਿਨ ਰਿਪੋਰਟ ਜਾਰੀ ਕਰਨ ਵਿੱਚ ਦੇਰ ਇਸ ਲਈ ਹੋਈ ਹੈ, ਕਿਉਂਕਿ ਵਾਰ ਵਾਰ ਯਤਨ ਕਰਨ ਦੇ ਬਾਵਜੂਦ ਵੀ ਮੈਡਮ ਕਮਲ ਦੇ ਪਤੀ ਸ੍ਰੀ ਜਗਮੇਲ ਸਿੰਘ ਜੋ ਲੋਕ ਮੋਰਚਾ ਪੰਜਾਬ ਦੇ ਸੀਨੀਅਰ ਆਗੂ ਹਨ ਅਤੇ ਉਹਨਾਂ ਦੇ ਕੁਝ ਸਾਥੀਆਂ ਨੇ ਭਰੋਸਾ ਦਿਵਾਉਣ ਦੇ ਬਾਵਜੂਦ ਕਾਰਜਕਾਰੀ ਪ੍ਰਿਸੀਪਲ ਦਾ ਪੱਖ ਲੈਣ ਵਾਸਤੇ ਉਹਨਾਂ ਨਾਲ ਸੰਪਰਕ ਨਹੀਂ ਕਰਵਾਇਆ।

       ਵਿਦਿਆਰਥੀ ਆਗੂਆਂ ਨੇ ਦੱਸਿਆ ਕਿ ਮੈਡਮ ਦੇ ਪਤੀ ਜਗਮੇਲ ਸਿੰਘ ਨਾਲ ਹੋਏ ਉਹਨਾਂ ਦੇ ਵਿਚਾਰ ਵਟਾਂਦਰੇ ਅਤੇ ਜਮਹੂਰੀ ਅਧਿਕਾਰ ਸਭਾ ਵੱਲੋਂ ਜਾਰੀ ਕੀਤੀ ਰਿਪੋਰਟ ਨੇ ਮਲਕਾ ਰਾਣੀ ਵੱਲੋਂ ਕੀਤੀ ਆਤਮ ਹੱਤਿਆ ਨੂੰ ਉਕਤ ਵਿਦਿਆਰਥਣ ਨੂੰ  ਨਕਲ ਕਰਨ ਦੀ ਆਦਤ ਉਸਦੀ ਮਾਨਸਿਕ ਤੇ ਘਰੇਲੂ ਹਾਲਤ ਦੀਆਂ ਸਮੱਸਿਆਵਾਂ ਦਰਸਾਇਆ ਹੈ। ਜਿੱਥੋਂ ਤੱਕ ਉਹਨਾਂ ਦੀ ਜਥੇਬੰਦੀ ਵੱਲੋਂ ਕੀਤੀ ਪੜਤਾਲ ਦੌਰਾਨ ਸਾਹਮਣੇ ਆਏ ਤੱਥਾਂ ਦਾ ਸੁਆਲ ਹੈ, ਉਹਨਾਂ ਮੁਤਾਬਕ ਮਲਕਾ ਨੇ ਫਰੀਦਕੋਟ ਦੇ ਨਾਮਵਰ ਐਸ ਡੀ ਪਬਲਿਕ ਸਕੂਲ ਤੋਂ 12ਵੀਂ ਤੱਕ ਦੀ ਪੜ੍ਹਾਈ ਹਾਸਲ ਕੀਤੀ ਹੈ।

ਗਣਿਤ ਅੰਗਰੇਜੀ ਅਤੇ ਸਾਇੰਸ ਵਰਗੇ ਜਿਹਨਾਂ ਵਿਸ਼ਿਆਂ ਨੂੰ ਮੁਕਾਬਲਤਨ ਆਮ ਵਿਦਿਆਰਥੀ ਔਖੇ ਸਮਝਦੇ ਹਨ, ਦਸਵੀਂ ਦੇ ਇਮਤਿਹਾਨ ਰਾਹੀਂ ਮਲਕਾ ਨੇ ਕਰਮਵਾਰ ਉਹਨਾਂ ਚੋਂ 77, 76 ਅਤੇ 68 ਫੀਸਦੀ ਅੰਕ ਪ੍ਰਾਪਤ ਕੀਤੇ।

       ਮਲਕਾ ਦੀਆਂ ਅਧਿਆਪਕਾਵਾਂ ਨਾਲ ਹੋਈ ਗੱਲਬਾਤ ਦਾ ਹਵਾਲਾ ਦਿੰਦਿਆਂ ਇਹਨਾਂ ਆਗੂਆਂ ਨੇ ਦੱਸਿਆ ਕਿ ਉਹਨਾਂ ਨਾਲ ਸਬੰਧਤ ਵਿਸ਼ਿਆਂ ਦੇ ਟੈਸਟਾਂ ਲਈ ਉਸ ਵੱਲੋਂ ਨਕਲ ਕਰਨ ਦੀ ਕਦੇ ਵੀ ਸਿਕਾਇਤ ਪ੍ਰਾਪਤ ਨਹੀਂ ਸੀ ਹੋਈ। ਜੇ ਇਹ ਮੰਨ ਲਿਆ ਜਾਵੇ ਕਿ ਘਟਨਾ ਵਾਲੇ ਦਿਨ ਉਹ ਸੱਚਮੁੱਚ ਹੀ ਨਕਲ ਕਰ ਰਹੀ ਸੀ, ਤਾਂ ਮੈਡਮ ਕਮਲ ਨੂੰ ਇਹ ਅਧਿਕਾਰ ਉੱਕਾ ਹੀ ਪ੍ਰਾਪਤ ਨਹੀਂ ਕਿ ਉਹ ਉਸਦਾ ਪੇਪਰ ਖੋਹ ਕੇ ਕਲਾਸ ਰੂਮ ਚੋਂ ਬਾਹਰ ਕੱਢ ਦੇਵੇ। ਉਹਨਾਂ ਦੱਸਿਆ ਕਿ ਨਿਯਮਾਂ ਅਨੁਸਾਰ ਸਲਾਨਾ ਜਾਂ ਸਮੈਸਟਰ ਇਮਤਿਹਾਨਾਂ ਦੌਰਾਨ ਜੇਕਰ ਕਿਸੇ ਵਿਦਿਆਰਥੀ ਨੂੰ ਫਲਾਈਂਗ ਸੁਕਾਐਡ ਜਾਂ ਕੇਂਦਰ ਦਾ ਸੁਪਰਡੰਟ ਨਕਲ ਕਰਦਿਆਂ ਫੜ ਲਵੇ ਤਾਂ ਯੂ ਐਨ ਸੀ ਦਾ ਕੇਸ ਬਣਾਉਣ ਉਪਰੰਤ ਉਸਨੂੰ ਨਵੀਂ ਉੱਤਰ ਕਾਪੀ ਮੁਹੱਈਆ ਕਰਵਾਈ ਜਾਂਦੀ ਹੈ ਤਾਂ ਕਿ ਪਾਸ ਹੋਣ ਦੀ ਸੂਰਤ ਵਿੱਚ ਉਹ ਆਪਣਾ ਕੇਸ ਝਗੜ ਸਕੇ।

       ਨਾਨਕਿਆਂ ਤੇ ਦਾਦਕਿਆਂ ਨਾਲ ਸਬੰਧਤ 6 ਭਰਾਵਾਂ ਦੀ ਇਕਲੌਤੀ ਭੈਣ ਹੋਣ ਦੇ ਨਾਤੇ ਉਸਦੇ ਨਾਨਕਿਆਂ ਨੇ ਉਸਨੂੰ ਇਸ ਕਦਰ ਪਿਆਰ ਸਤਿਕਾਰ ਤੇ ਲਾਡ ਲਡਾਇਆ ਸੀ, ਕਿ ਘਰੇਲੂ ਪੱਖ ਤੋਂ ਉਹ ਹੋਰ ਕੁੜੀਆਂ ਨਾਲੋਂ ਇਸ ਕਦਰ ਵੱਧ ਸੰਤੁਸਟ ਸੀ, ਕਿ ਜਿੱਥੇ ਆਪਣੀ ਮਾਂ ਵੱਲੋਂ ਪਾਈਆਂ ਕਮੇਟੀਆਂ ਦਾ ਹਿਸਾਬ ਕਿਤਾਬ ਰਖਦੀ ਸੀ ਉੱਥੇ ਆਪਣੀ ਹੋਣ ਵਾਲੀ ਭਾਬੀ ਲਈ ਗਹਿਣਾ ਗੱਟਾ ਤੇ ਕੱਪੜਾ ਲੀਤਾ ਵੀ ਕੁਝ ਦਿਨ ਪਹਿਲਾਂ ਖੁਦ ਖਰੀਦਿਆ ਸੀ।

       ਜਿੱਥੋਂ ਤੱਕ ਮਲਕਾ ਨੂੰ ਕਮਲ ਦੇ ਪਤੀ, ਉਸਦੇ ਦੋਸਤਾਂ ਤੇ ਜਮਹੂਰੀ ਸਭਾ ਵੱਲੋਂ ਮਾਨਸਿਕ ਤੌਰ ਤੇ ਪਰੇਸਾਨ ਗਰਦਾਨਣ ਦਾ ਸੁਆਲ ਹੈ, ਇਹ ਦੋਸ ਵੀ ਪੂਰੀ ਤਰ੍ਹਾਂ ਅਧਾਰਹੀਣ ਹੈ, ਕਿਉਂਕਿ  ਨਿਯਮਾਂ ਅਨੁਸਾਰ ਨਰਸਿੰਗ ਦੀ ਹਰ ਵਿਦਿਆਰਥਣ ਦਾ ਹਰ ਮਹੀਨੇ ਮੈਡੀਕਲ ਚੈੱਕਅੱਪ ਕਰਵਾ ਕੇ ਪ੍ਰਾਪਤ ਨਤੀਜੇ ਨੂੰ ਇੱਕ ਰਜਿਸਟਰ ਵਿੱਚ ਰਿਕਾਰਡ ਕੀਤਾ ਜਾਂਦਾ ਹੈ, ਪੀ ਐਸ ਯੂ ਦੀ ਪੜਤਾਲ ਅਨੁਸਾਰ ਮਲਕਾ ਨੂੰ ਸਿਰਫ ਇੱਕ ਵਾਰ ਬੁਖਾਰ ਹੋਇਆ ਸੀ ਮਾਨਸਿਕ ਪਰੇਸਾਨੀ ਦੀ ਕੋਈ ਵੀ ਨਿਸਾਨੀ ਰਿਕਾਰਡ ਵਿੱਚ ਨਹੀਂ ਹੈ।

       ਸੁਆਲਾਂ ਦਾ ਜੁਆਬ ਦਿੰਦਿਆਂ ਵਿਦਿਆਰਥੀ ਆਗੂਆਂ ਨੇ ਕਿਹਾ ਕਿ ਉਹਨਾਂ ਵੱਲੋਂ ਕੀਤੀ ਪੜਤਾਲ ਤੇ ਪ੍ਰਸਥਿਤੀਆਂ ਦੇ ਵਿਸਲੇਸਣ ਤੋਂ ਉਹ ਇਸ ਨਤੀਜੇ ਤੇ ਪੁੱਜੇ ਹਨ, ਕਿ ਮਲਕਾ ਨੂੰ ਉਸਦੀਆਂ ਸਹਿਪਾਠਣਾਂ ਸਾਹਮਣੇ ਜਲੀਲ ਕਰਕੇ ਮੈਡਮ ਕਮਲ ਨੇ ਆਤਮ ਹੱਤਿਆ ਕਰਨ ਲਈ ਉਕਸਾਇਆ। ਪਰੰਤੂ ਉਸਦੇ ਪਤੀ ਜਗਮੇਲ ਸਿੰਘ ਨੇ ਇਸ ਦੋਸ ਨੂੰ ਰੱਦ ਕਰਦਿਆਂ ਪੜਤਾਲੀਆ ਟੀਮ ਨੂੰ ਦੱਸਿਆ ਕਿ ਇੱਕ ਪੁਲਿਸ ਅਧਿਕਾਰੀ ਵੱਲੋਂ ਮੁਕੱਦਮੇ ਤੋਂ ਬਚਣ ਲਈ ਦਿੱਤੇ ਇਸ ਸੁਝਾਅ ਨੂੰ ਮੈਡਮ ਕਮਲ ਨੇ ਮੰਨਣ ਤੋਂ ਇਨਕਾਰ ਕਰ ਦਿੱਤਾ ਸੀ, ਕਿ ਨਕਲ ਕਰਨ ਬਦਲੇ ਕਲਾਸ ਚੋਂ ਕੱਢਣ ਦੀ ਬਜਾਏ ਉਹ ਇਹ ਸਟੈਂਡ ਲੈ ਲਵੇ ਕਿ  ਮਲਕਾ ਪਾਣੀ ਪੀਣ ਦੇ ਬਹਾਨੇ ਬਾਹਰ ਗਈ ਸੀ। ਇਸ ਲਈ ਇਹ ਮਾਮਲਾ ਹੋਰ ਵੀ ਗੰਭੀਰ ਬਣ ਜਾਂਦਾ ਹੈ।

       ਅਜਿਹੇ ਹਾਲਾਤਾਂ ਵਿੱਚ ਇਸ ਮਾਮਲੇ ਦੀ ਮੈਜਿਸਟਰੇਟੀ ਜਾਂਚ ਕਰਵਾਉਣ ਤੇ ਜੋਰ ਦਿੰਦਿਆਂ ਪੀ ਐਸ ਯੂ ਨੇ ਮਲਕਾ ਦੇ ਪਰਿਵਾਰ ਨੂੰ ਦਸ ਲੱਖ ਰੁਪਏ ਦਾ ਮੁਆਵਜਾ ਤੇ ਇੱਕ ਜੀਅ ਨੂੰ ਨੌਕਰੀ ਦੇਣ ਦੀ ਮੰਗ ਕੀਤੀ। ਉਹਨਾਂ ਇਹ ਵੀ ਐਲਾਨ ਕੀਤਾ ਕਿ ਇਨਸਾਫ ਨਾ ਮਿਲਣ ਦੀ ਸੂਰਤ ਵਿੱਚ ਉਹਨਾਂ ਦੀ ਜਥੇਬੰਦੀ ਸੰਘਰਸ ਲਈ ਮਜਬੂਰ ਹੋਵੇਗੀ।